Србин веќе 16 год. чека смртна казна во САД. Србија сака да го спаси

Владата на Србија сака да го спречи погубувањето на својот државјанин од Невада, САД,  Аврам Ника (41). Toj бил осуден во 1995 година поради убиство на Едвард Смит.

Аврам Ника (41) кој бил нарекуван Вине, и има српско државјанство, во САД веќе 16 години чека извршување на смртна казна. Владата на Србија бара од Окружниот суд во Вашу во американската сојузна држава Невада да му го поштеди животот.

Во жалбата се наведува дека конзулатот на Србија не бил известен за апсењето на својот државјанин ниту за судењето. Со тоа, сметаат дека постои сомнеж во оправданоста на смртната казна.