Средба со вонземјаните во следните 20 години?

Научниците очекуваат дека луѓето ќе се сретнат со вонземјаните во наредните 20 години, оцениле руските астрономи.

“Создавањето живот е неизбежно како и формирањето на атоми…живот посоти и на други планети и ќе се сретнеме со него во наредните 20 години“, изјавил директорот на Институтот за применета астрономија, Андреј Финкелстин.

Како што пренесува Ројтерс, повикувајќи се на руските медиуми, научникот изјавил дека 10% од познатите планети во галаксијата наликуваат на Земјата.

“Доколку на нив се најде вода, ќе се најде и живот“, изјавил тој и додал дека вонземјанците најверојатно ќе наликуваат на луѓето со две раце, две нозе и глава.

“Можеби, бојата на кожата ќе им биде различна, но тоа го има и кај нас“, додал Финкелстин.