Тевез: Кога ќе завршам со Сити, во Манчестер не се враќам ниту на одмор!
4 јуни, 20110
Карлос Тевез не го сака Манчестер и признава дека му е многу тешко да се навикне на животот во тој град. Истакна дека еднаш кога ќе замине, сигурно нема да се врати. “Во Манчестер нема што да се прави. Јас сеуште не зборувам добро англиски и тоа ми ја отежнува ситуацијата. Кога за три години ќе ми истече договорот со Манчестер Сити во тој град не се враќам дури ни на одмор” категоричен е Аргентинецот. Тевез оваа сезона имаше доста проблеми со тренерот на Сити, Роберто Манчини, а пред некое време посакуваше и да ја заврши фудбалската кариера, но сепак се премисли. “Од секогаш кажував дека на 28 години ќе прекинам со активното играње фудбал, но сепак мислам дека ќе играм уште малку” заклучи Карлитос.