Уапсен е Ратко Младиќ

Српската полиција го уапсила Милорад Комадиќ, од кого земале примерок и го дале на анализа при што се верува дека станува збор за Ратко Младиќ, пишува “24часа“, пренесува НетПрес.

Се соопштува дека е уапсен постар маж и тоа преку анонимна пријава. Наводно полицијата била информирана дека поседува документи со ознаки на Ратко Младиќ. Во акцијата било вклучено и специјалното обвинителство.

Специјалната српска единица во тајна операција пред неколку часа на територијата на Србија го уапсила Милорад Комадиќ, а во локалните медиуми се вели дека од полициски извори во Белград дознале дека можеби станува збор за Ратко Младиќ.

Комадиќ бил уапсен откако биле добиени информации дека е сличен на најбараниот српски командант.