Уапсен градоначалникот на Вашингтон

Градоначалникот на Вашингтон Винсент Греј уапсен е поради “нелегален собир“, учествувајќи во протестите на група незадоволни соработници на градската администрација и жители на Вашингтон поради третманот на американската престолнина од страна на Конгресот. Градоначалникот и уште неколку членови на градскиот совет, вчера биле уапсени бидејќи ја блокирале улицата во близина на административната зграда на американскиот Сенат. По седум часа поминати во притвор били пуштени на слобода. Демонстрантите протестирале поради предложениот буџет за оваа година и предвидените намалени и ограничени средства за градот Вашингтон.