ВИДЕО: Уште еден пирамидален НЛО над Кина

Во видеото кое на својата страна го објави контроверзниот специјалист за НЛО, Мајкл Коен, се гледаат два пирамидални објекти како лебдат на кинески град во провинцијата Фујиан.

Во описот на видеото Коен ги спомнува сличните НЛО случаи кои се појавиле на различни делови од светот, односно во Шпанија, Колумбија, Кина и Русија.

Тврди дека за овие НЛО е спроведена и неслужбена истрага, а резултатите наводно укажуваат дека објектите се вселенски бродови од вонземјанска цивилизација која се наоѓа во близина на ѕвездата Сириус, најсветлата ѕвезда на ноќното небо.

Според истото истражување, заклучено е дека станува збор за цивилизација која редовно одржува контакт со луѓето, веќе илјадници години, а доказ за тоа се пирамидите градени во одредени делови од светот, наводно според бродовите на вонземјаните кои ги откриле нашите предци кои веројатно тогаш ги сметале за боженствени битија.

Бидејќи постојат теории како всушност таа цивилизација не создала, можеби проценката дека вонземјаните од оваа цивилизација се боженствени битија и не е далеку од вистината. Можеби.

Снимката на која наводно е забележана најновата посета на древна цивилизација можете да ја погледнете овде: