Внимание, и кога сме будни дел од мозокот спие!

Сигурно до сега ви се има случено во кафето наместо шеќер да ставите сол или да направите некоја слична грешка. Ова се случува кога сме будни, но еден дел од мозокот спие.

Американските научници од Универзитетот Вискосин-Медисон откриле дека поеднинечни мозочни клетки може да престанат да функционираат и во време кога сме будни. Тоа се случува кога сме премногу уморни.

Под испитување биле подоложени стотици заморчиња, кои  биле држени будни подолго време. Било откриено дека мали подрачја од мозокот спиеле додека тие биле будни.

Научниците предупредуваат дека поради ваквите активности на мозокот може да се случи возачот да заспие на воланот. Затоа мора да бидеме претпазливи и да ги гледаме знаците кои телото ни ги праќа кога сме уморни. Најголемите грешки ги правиме кога сме уморни и не спиеме во делот од денот кој е најдобар за сон, ноќта.