Запленети осум килограми сребро на скопскиот аеродором

Околу осум килограми сребро се запленети вчера на аеродромот “Александар Велики“ во Скопје.

Имено, во попладневните часови, со намера да патува за Истанбул, за излез од државата, се пријавил турски државјанин, кој не пријавил ништо за царинска контрола. Во сортирницата за багаж, при вршење на рентген контрола, багажот на патникот бил селектиран за детален преглед. При извршениот преглед, во присуство на патникот, на дното на еден од неговите куфери, под личните работи и храна, во најлонски кеси, биле пронајдени вкупно 2.348 парчиња сребрен накит, со вкупна тежина од 6.524 грама и топено сребро со тежина од 1.274 грама.

Непријавената стока била привремено задржана, а против прекршителот е поднесено барање за поведување прекршочна постапка.