Жена макро во Скопје “услужила“ околу 150 клиенти

Триесет и седум годишна гостиварка од април, лани, во изнајмен стан во Скопје во неколку наврати вршела посредување за давање сексуални услуги на околу 150 лица.

Според МВР, Е.Е (37) во претходен договор со М.И. и Ј.С. (девојките кои давале сексуални услуги), обезбедувала клиенти кои само на неа и биле познати и кои за одредена сума пари – од 1.500 до 3.000 денари – добивале сексуални услуги од двете девојки.

Парите ги земала пријавената макрото од Гостивар, а двете девојки добивале половина од договорената цена.

Сексуалните услуги ги давале во една од собите во станот, а понекогаш во собата при давање сексуални услуги присуствувала  и Е.Е. За овој период, според изјавата на двете девојки дадена во полиција, сексуално биле услужени меѓу 100 и 150 “клиенти“.

Скопската полиција против гостиварката  поднела кривична пријава, според која ја сомничи за посредување при вршење проституција. Истражен судија на пријавената и одредил мерка притвор во траење од 15 дена.

Извор: Нетпрес