Зошто Nokia нема да успее?

Еден поранешен работник во компанијата Nokia, воедно и човекот кого го нарекуваат гуру за мобилните телефони и услуги, Томи Ахонен, семта дека договорот меѓу Nokia и Microsoft нема да биде добар за финската компанија.

Покрај што се одрече од Symbian, а со тоа направи сите уреди кои се продаваат на оваа платформа автоматски да бидат застарени, Nokia предолго чека на новите уреди кои треба да се со Windows Phone платформа, смета Ахонен.

Покрај тоа, Microsoft како сопственик на Skype, може да привлече гнев од операторите, кои пак може да влијаат и на продажбата на идните телефони од Nokia.

“Се плашам дека вестите од Nokia ќе бидат се полоши во вториот, третиот и четвртиот квартал оваа година, и дека вредноста на акциите на оваа компанија ќе продолжи да паѓа“, изјавил Ахонен за Tehnopolis.