„Гладен маж оро не игра“

30 јануари, 20120
gl

Сакам да ви го насочам вниманието кон еден забавен ( или не толку ) феномен, поврзан со силниот пол, со кој веќе одавна сум се примирила, но не престанува да ме воодушевува. А имено колку е важна редовната ( честа и обилна ) исхрана за машкото однесување. Ако забележите дека започнува да изгледа доста расеан и нервозен без особена причина, тогаш нема што да се чудите – гладен е!

Обземена од ова истражување, решив да се распрашам за туѓи мислења по темава. Споделив пред други жени дека поведението на повеќето од моите познати мажи станува меко кажано неконтролирано и не многу јасно за мене штом кај нив се појават признаци на глад. Многу силен  впечаток ми направи мислењето на една моја пријателка, која беше категорична, дека тоа се должи на првичноста и примитивната суштина на мажите.

Следеше разговор со мој пријател, по темата, каде тој си призна дека за него јадењето си е вид задоволство, што не трпи одложување. Според неговите зборови „потребата треба да ми биде задоволена тука и сега“ повторно не навраќа кон првичноста (можеби биолошката )…

Сега кога веќе знаете колку е важна добрата храна за мажите, потрудете се добро да си ги нахраните, за тие добро да го играат орото!

Leave a Reply

Your email address will not be published. Required fields are marked *