Болката што ја предизвикуваш кај другите, ти најсилно ќе ја почуствуваш!

16 февруари, 20120
zzz

Ова почна кога му кажав на еден човек – „Те мразам!“

Ти ме излажа, јас ти ја кажав вистината! Ти ме повреди, јас зборував добро за тебе! Ти ми покажа дека не ти е грижа за мене, а јас бев спремна и во Пеколот да влезам за тебе!

Ти ме предаде и ме боли. Јас ти се доверив, ти ме злоупотреби. Јас секогаш бев тука за тебе, а ти кај беше? Јас се губев себе си, а ти се обиде ли да ме најдеш?  Но јас живеам…за инат на се, јас избирам да сакам. Избирам да го сакам утрото што ми дава надеж. Избирам да го сакам мракот што ми дарува мир. Избирам да сакам зошто љубовта ќе ме направи слободен!

Кога си повреден и ти сакаш да повредуваш! Болката што ти го сече срцето те тера да сакаш и другиот да страда! Но зошто? Не е ли подобро да затвориш очи и да заборавиш? Да се помириш со фактот дека си бил лажен и да продолжиш напред со љубов? Сите знаеме дека нема лоши луѓе. Има само луѓе кои многу страдале и сакаат да страдаат и останатите, за да не бидат осамени во својата болка. Никој не сака да биде сам! Оние што најчесто повредуваат, тие се оние што најмногу страдаат…

Кога сакаш, ќе бидеш сакан. Кога причинуваш болка, ќе бидеш повредуван!

Размисли за ова!

Leave a Reply

Your email address will not be published. Required fields are marked *