Лажела дека е болна од леукемија за да има венчавка од соништата!

Џесика Вега (25) од Њујорк уапсена е под обвинение за измама и кражба, дека е болна од леукемија само за да добие вредни подароци и илјадници долари за својата венчавка од соништата и медениот месец.

Џесика била уапсена во петокот  под обвинение дека направила измама, бидејќи излажала дека е болна од леукемија, па затоа добила подароци и услуги од неколку илјади евра.

Невестата лажга, пред две години изјавила дека е болна од леукемија и дека пред да почине сака само да се венча со Мајкл О’Конел. Тие се венчале во 2010 година, но само четри месеци подоцна Мајкл ја дознал вистината и ја објавил веста.

По ова, брачниот пар се разведува, Мајкл се сели во Вирџинија, но само по неколку месеци му се приклучува и Џесика и денеска тие имаат две деца.

„Таа е добра мајка, а тоа е најважно. Сакам моите деца да бидат со својата мајка“, изјавил Мајкл.

Тој на крај заклучил дека Џесика, која била уапсена минатата недела треба да ги врати подароците, да се извини, како и тоа дека треба да оди на психијатар, а не во затвор.

Џесика пред судот се изјаснила дека не е виновна. Судот и одредил кауција од 10.000 долари.

httpv://www.youtube.com/watch?v=3xUBH2pdExk