На 92 години научил да пишува, а на 98 напишал книга!

Џејмс до својата 92 година не знаел да прочита мени во ресторан, ниту пак да напише нешто. Сепак, американецот Џејмс Аруда Хенри има причина да биде горд на себе, бидејќи покрај тоа што се грижи за својата фамилија, овој рибар на 92 години решил да не се откаже и да научи да пишува и чита.

За приказната да биде уште подобра, на 98 години Џејмс ја објавил првата книга, збирката автобиографски есеи „ In A Fisherman”s Language“, во кои го опишува своето сиромашно детство во Португалија, потоа доаѓањето во Америка и своите авантури на море.

Книгата стекна голема популарност, па затоа стана лектира во основните училишта.