Направил куќа од искинати пари!

Ирскиот уметник Френк Бакли изградил куќа од искинати пари во вредност од 1,4 милијарди евра.

Тој ја нарекол куќата споменик на лудило, како сибол на лудилото кое ја зафатило неговата земја по воведување на единствената европска валута, од спектакуларниот градежен бум до ненадејниот пресврт во 2007 година, кога Ирска западна во тешка рецесија.

Бакли го изградил својот стан во лобито на деловната зграда во Даблин која останала празна откако била завршена нејзината изградба пред четри години. Тој користел цигли од пресовани искинати евра.

„Ова е одраз на лудилото кое не зафати сите“, изјавил ирскиот уметник за својата куќа од милијарда евра.

„Луѓето вложувале во нешто односно во зграда која денеска не вреди ништо. Сакав да создадам нешто од ништо“, додал на крај уметникот.