Исакин Џонсон, познат под името Скар, кој ја има убиено и потоа изедено својата девојка, планира да се ожени со вампирката Мишел Густафсон.
Овој пар инаку се едни од најозлогласените убијци во Шведска, а се вериле во психијатарската болница во која се лекуваат.
Исакин осуден е бидејќи ја има убиено и потоа изедено својата девојка, додека Мишел без причина прободела еден маж во Стокхолм, а подоцна изјавила дека не се сеќава на нешто такво.
Нивната љубов започнала во интернет кафето во психијатарската болница која се наоѓа на исток во Шведска, каде и двајцата се затворени.
„Почнавме да се забавуваме од 13 ноември минатата година. Ме праша дали сакам да му бидам девојка. Јас се согласив и на 9-ти декмври се веривме“, раскажала Мишел.
Се уште не е познато кога овој пар ќе ја напушти психијатарската болница, а од управата изјавиле дека таму пациентите се држат затворени и повеќе од 20 години.
