Жена пронашла 500 дијаманти во лифт!

Една 34 годишна жена во источниот сибирски град Краснојарск пронашла пакет со скоро 500 дијаманти во лифт, соопштила полицијата.

Жената пронашла мал пакет со драги камења кога се враќала од работа.

Таа го земала пакетот и го однела во најблиската златара  на проценка, од таму и кажале дека станува збор за дијаманти, па затоа таа одлучила да ги врати кај вистинскиот сопственик.

„Полицијата го истражува случајот на пакетот со 476 дијаманти, пронајдени во лифт“, соопштиле од полицијата.

Дијамантите се дадени на тестирање и проценка, додека полицијата се уште трага по сопственикот.