Славниот британски музичар Елтон Џон истакнал дека не ги поднесува новите ѕвезди на кои им е важно само едно: да бидат во центарот на вниманието.
Тој во интервјуто за ВВС изјавил дека денешните славни личности, а особено ѕвездите од различни телевизиски ријалити програми се неподносливи.
“Тие сакаат слава без оглед на последиците и подготвени се на се за да стигнат до целта. Сведоци сме на вистинска поплава од грозоморни суштества желни за слава. Едноставно ти доаѓа да посакаш некој сите да ги испоубие“ – изјавил Елтон Џон.
Елтон Џон смета дека на талентот не му се посветува доволно внимание и дека целата денешна култура е опседната со слава, наместо вистински вредности.