Писмо до Дедо Мраз: Излечи го татко ми од рак, мене ништо друго не ми треба!

Десетгодишното момче напишало писмо до Дедо Мраз, ако може, да го излечи неговиот татко кој е во тежок стадиум на карцином.

Рони Харис напишал дека оваа година има само една желба: Неговиот татко, кој се бори за живот, да се спаси! Ништо друго не побарал за себе.

Писмото го нашла неговата мајка под креветот на момчето.

Расел Харис, таткото на момчето има карцином на мозокот, кој веќе влегол во четврти стадиум. И покрај тоа, малиот Рони сеуште се надева дека Дедо Мраз ќе му помогне. Вака изгледа писмото на Рони:

“Драг Дедо Мраз, оваа година барам нешто многу специфично за Божиќ. Татко ми има опасен карцином на мозокот. Можеш ли, те молам, да најдеш лек за да му биде подобро? Јас би бил најсреќното дете на светот!

Среќен Божиќ…Рони Харис.“