Подводниот музеј во Канкун

Во бистрите води на Карипското Море, недалеку од туристичкиот град Канкун во Мексико, се наоѓа најголемиот подводен музеј во светот. Проектот ” Тивка еволуција” е дело на Џејсон Тејлор, кој дипломирал на Camberwell College of Arts, University of the Arts London, кој покрај тоа е целосно квалификуван инструктор по нуркање, подводен еколог и носител на престижни меѓународни награди за подводна фотографија.

Изградбата на подводниот парк започна во ноември 2009 година врз 420 квадратни метри морско дно во Карипското Море. Првично се потопени само 100 бетонски скулптури, но на 26 ноември 2010 година сите 400 статуи ги заземаат своите места. Делата тежат 120 тони и се изработени од специјален PН – неутрален бетон. Распоредени се на 10 метри под морското ниво, каде формираат вештачки гребени и се претвораат во дом за природната флора и фауна на топлите води.

Освен со цел да се привлечат повеќе туристи – нуркачи, подводната изложба има и друга цел. Според мексиканските власти музејот ќе го привлечат вниманието на нуркачите и во исто време ќе ги одвлече од коралните гребени кои се веќе доволно повредени од нивниот интерес.