Лој Кратонг е еден од најпопуларните тајландски фестивали, а за многумина и еден од најромантичните и најубавите настани во светот. Според традиционалниот тајландски календар на 17 ноември оваа година е ноќта на дванаесеттата полна месечина, кога населението се упатува кон реките, езерата и каналите, за да ја испочитуваат вековната традиција во Тајланд. Фестивалот е основан во чест на божицата на водата Пра Мае Конга, им дава можност на луѓето да ја одбележат и да изразат благодарност за богатството во измината година. Исто така, тие упатуваат молитви за здравје и среќа во текот на следната година. Тајланд како култура е силно зависен од земјоделството и е длабоко и тесно поврзан со водата. Затоа не е изненадувачки фактот дека Лој Кратонг се уште се смета за важен настан.
Но, не е само водата важен елемент на внимание за време на Лој Кратонг. Во воздухот лебдат и мноштво фенери наречени ком лој. Тие се направени од оризова хартија и се издигаат во воздух со помош на свеќите прикачени на нив. Погледот на еден летечки фенер е убав, но илјадници издигнати во воздух е искуство кое буди восхит кај посетителите осовено во Чианг Мај. Фестивалот нема да биде вистински тајландски фестивал, ако нема огромна количина на храна , огномет и полни улици со посетители.
Важно е да се обрне внимание на кратонгите кои се купуваат за време на Лој Кратонг. Тие се направени од природни материјали кои се разградуваат побрзо во споредба со пластичните кои ги загадуваат реките.
Фестивалот се одржува во цел Тајланд , но најголеми се прославите во Бангкок и Чианг Мај.
