Тешка осуда: Хрватска е срам за Европа!

Хрватска се најде пред жесток удар од страна на европската јавност откако повеќето граѓани во неделата гласаа против законот со кој се дозволува склучување на хомосексуални бракови.

Според странските медиуми, оваа земја ја посрамотила цела Европа. Хрватска со овој чин покажала дека сепак е само една од балканските држави кој некогаш била запад на Истокот, а сега е исток на Западот, се вели во германските медиуми.

На референдумот излегле 34% од граѓаните од кои 66% гласале против дозволата за хомосексуални бракови. На тој начин хомосексуалните бракови се практично оневозможени.

На друштвените мрежи пак се создаваат групи кои бараат новиот член на ЕУ што поскоро да биде исклучен од Европската Унија.

Претседателот на европските социјалисти Ханс Свобода изјавил:

“Хрватска ја гледав како отворена и напредна држава, а не како земја во која се забранува среќата и еднаквите права. Екстремната десница и верските заедници кои лобираа во корист на уставниот амандман мораат веднаш да се соочат со реалноста: ЛГБТ правата, еднаквоста и човековите права се дел од еден поголем концепт за човекови права и вредности кои ги почитуваат европјаните!“

Саша Броз, внуката на Јосип Броз изјавила дека и нејзиниот покоен дедо на референдумот сигурно би гласал за да се легализираат геј браковите.