Во сеќавање на Пол Вокер: Човекот кој остави трага и во животинското царство

На Пол Вокер ќе се сеќаваме и како голем љубител на животните. “Пол го сакаше океанот, автомобилите и животните. Беше семеен човек, а неговата ќерка се пресели во Калифорнија за да биде блиску до својот татко. Беше хуман, редовно издвојуваше пари за хуманитарните организации и вистински ги сакаше своите фанови“ – раскажуваат неговите пријатели.

Својата огромна љубов кон животните редовно ја демонстрираше споделувајќи фотографии низ социјаните мрежи. Од кучиња, до ајкули, овој актер сигурно оставил трага и во животинскиот свет.

Бил пресреќен кога бил заобиколен со животни. Вокер како мал сакал да стане биолог и да ги проучува морињата и океаните. Во 2009 година се приклучил на екипата на Национална географија и заедно со нив бил на експедиција во Мексико каде ги означувале ајкулите.