Бесниот татко фрла столица кон судијката откако ја слушнал пресудата за убиецот на неговата ќерка

Судијката во градот Рормонд на возачот му изрекла казна од 120 дена општо-корисна работа, или 60 денови притвор доколку не ја изврши работата, пренесуваат светските медиуми.

Судијката, во образложението на пресудата, навела дека на осуденикот му следува казна каква што се изрекува во слични случаи.

Локалните медиуми, меѓутоа, наведуваат дека оваа блага пресуда била донесена иако возачот во ниеден момент не покажал грижа на совест, ниту пак се извинил.

Видео снимката на која се гледа како бесниот татко фрла столица кон судијката била објавена на Јутуб, по што на социјалните мрежи се појавиле многу критики на сметка на изречената казна.

Според наводите на локалните медиуми, случајот бил споменат и во холандскиот парламент, а пратеникот Јорам Ван Клаверен, наводно остро ја осудил казната како “апсурдно ниска”.