Мажите се склони на грешки на кои жените воопшто не гледаат со воодушевување. Затоа, внимавајте да не ви се случи некоја од овие работи.
Гледање други жени
Жената не поднесува кога машкото кое е со неа, гледа други девојки. Иако ви се чини дека тоа го правите дискретно, на женското око ништо не му поминува незабележано.
Умилкување и нагалени имиња
Умилкувачките прекари и користење на нагалени имиња, оставете ги за подоцнежната фаза, ако дојде до неа.
Телефонирање
Со постојаното гледање во мобилниот телефон, праќање пораки или оставање статус на Фејсбук, оставате впечаток дека сте незаинтересирани. За ова ќе добиете голем минус кај потенцијалната партнерка. Жените сакаат да се во центарот на вниманието и бараат да им се посветите.
Раскажување за поранешната
Првиот состанок секако не е момент да ја “отворите душата”. Впрочем, жената која површно ја познавате, веројатно и не ја интересира ништо што има врска со вашите поранешни љубови.
Лошо однесување и особини
Не мора да сте вкочанети и вештачки, но основните правила на бонтонот би требало да се почитуваат. Гласното викање на келнерот, непридржување на вратата, некористење на приборот за јадење правилно, само ќе ја одвратат и расколебаат да влезе во врска со вас.
Пари, пари, пари
Ова е осетлива тема, за која секако не би требало да се разговара на првиот состанок, затоа што може да оставите погрешен впечаток за вас.
Скржавост
Правило е машкото да ја плати сметката ако е иницијатор на излегувањето. Дури и ако таа понуди пари, бидете одлучни и одбијте, но може со насмевка да спомнете дека таа ќе плати и ќе чести следниот пат и така да ја најавите новата средба.