На вечерата во Белата Куќа во вторникот, Обама му пришол на извршниот директор на каналот HBO Ричард Плеплер и му рекол:
„Каде се моите True Detective и Game of Thrones?”, со што му сугерирал на Плеплер дека следниот викенд би сакал да ги гледа сериите. По ова Плеплер наредил на еден од своите асистенти DVD–а од двете серии да му бидат испратени на Претседателот.
Поради тоа што Барак Обама е тоа што е, Претседател на САД, изворите велат дека тој сигурно ќе ја добие цела прва сезона на True Detective (од која има излезено само 4 епизоди) како и четвртата сезона од „Game of Thrones”, која треба да почне да се прикажува дури во април.
Обама е познат љубител на ТВ драми – има изјавено дека ги гледа сериите „House of Cards”, „Homeland”, „The Wire”, „Mad Men”, „Breaking Bad”, „Boardwalk Empire”, и „Game of Thrones”. А оваа вест ни открива дека „True Detective” e најновиот ТВ „порок” на Обама.