Жерар Депардје во минатото спиел со мажи за пари!

Популарниот француски актер, 65-годишниот Жерар Депардје напиша автобиографска книга во која открива неверојатни детали од својот живот.

Тој во книгата насловена „Ca C’est Fait Comme Ca“ открива дека растел во семејство кое било многу сиромашно, дека мајка му се обидувала да ја прекине бременоста бодејќи се со игли во нејзиниот стомак. „Кога ќе помислам дека можев да те убијам“, пишува Жерар во книгата, цитирајќи ја неговата мајка.

Сепак, вистинскиот шок следи кога актерот открива дека на 10-годишна возраст му приоѓале хомосексуалци на улица и барале да ги задоволува. „Јас знаев што им се допаѓа и им барав пари за тоа“.

На 16 години бил уапсен поради кражба на автомобил. Три недели поминал во затвор, а по излегувањето заминал од село во град – Париз, каде што продолжил да им дава сексуални услуги на мажи.

„До 20 години бев фраер. Ќе претепав некого од нив и ќе побегнев со парите“. Тоа не е се` – со еден пријател ограбувале и гробови, го краделе накитот од мртовците.

Ова се само некои од шокантните детали од книгата, можеме само да замислиме што се` друго пишува во неа…