Путин има едно правило за борба кое го почитува уште од кога бил дете
Главното правило на актуелниот претседател на Русија, Путин, кога станува збор за надворешна политика, кое го воспоставил уште во детството на улиците на Ленинград гласи: „Ако борбата е неизбежна, удри прв“ – пишува коментатор на италијанското Giornale, а пренесува Спутник.
Иако на територијата на Русија живеат претставници на разни вероисповести, меѓу кои и муслимани, рускиот претседател вешто наоѓа рамнотежа која ја исклучува можноста на религиозни судири во земјата.
– Тоа е вистинскиот Путин – од едната страна се бори против терористите на Даеш, а од друга страна ја отвора најголемата џамија на светот. Во еден од своите говори Путин ги истакна разликите на умерениот ислам и тероризмот – изјавувајќи дека Даеш (ИСИС) ја компромитира исламската религија со идеологија заснована на лага – додава коментаторот.
Тој нагласува и дека рускиот претседател ја почитува историјата и традицијата во кои христијанската религија земала централно место во „срцето на рускиот човек“, поради што ја поддржува Руската православна црква.
– Не треба ниту да се потценува сојузот на Путин со римскиот папа Франциско. Тие се сретнаа два пати, со што предизвикаа сериозна загриженост кај претседателот на САД, Барак Обама – тврди аналитичарот.
Сепак, во борбата против џихадизмот Путин настапува одлучно.
– Правилото на рускиот претседател дека треба да се удри прв ако борбата е неизбежна го прави лојален сојузник во очите на претседателот на Сирија, Башар ел Асад, и придонесува кон дијалогот со опозиционите сили во Сирија – додава аналитичарот.
– Со своето движење по шаховската табла на Сирија, Путин го збуни Западот, неизбежно враќајќи ја Русија во редот на клучните соговорници на САД и Европа. Ако постигне успех во борбата против Даеш, рускиот лидер би можел да смета на укинување на апсурдните санкции на Западот – пишува аналитичарот и додава:
– Играјќи на вистинската карта, Путин успеа, без оглед дали тоа му се допаѓа на некого или не, и го врати статусот на голема империја за Русија.