Адел ќе дизајнира плус-сајз колекција

Британската пејачка Адел одлучи да лансира своја сопствена модна линија.

Според британските медиуми, 27 годишната британска ѕвезда, која не престанува да ги руши рекордите со продажбата на нејзиниот најнов албум „25“, се здружи со компанијата „Evans“ која произведува облека за полни девојки како би лансирала колекција наменета за домаќинки. „Ова е само почеток, Таа веќе работи на своите цртежи и се советува со неколку дизајнери“, изјави за магазинот „Now“ извор близок до пејачката. Според магазинот Адел и „Evans“ и претходно соработувале на креирање на колекција со облека која е инспирирана од фустанот кој што пејачката го носеше на доделувањето на Греми наградите во 2012.