Проблеми на најскапата јахта на светот: Александра Мељниченко итно оперирана!

Поранешната членка на српската група „Моделси“ и сопругата на рускиот милијардер Андреј Мељниченко е оперирана во болница во Коруња откако ѝ се слошило во Шпанија.

Наводно станува збор за напад на слепото црево. По ноќта помината во приватна клиника, Александра е пуштена на домашно лекување, па со сопругот се вратила на неговата луксузна јахта.

Овие здравствени проблеми ги нарушиле плановите на славната двојка. Имено, тие морале да ја укотват својата јахта во Коруња бидејќи на Сандра ѝ се слошило.

Брачната двојка очигледно нема да продолжи да крстосува по шпанското крајбрежје. На аеродромот во Коруња слетал нивниот приватен авион, кој, како што се претпоставува, порано ќе ги врати дома.