Историја: Изникнаа првите растенија на Месечината

На Месечината изникнаа првите растенија, ова е прв пат некоја биолошка супстанца да израсне на тој Земјен сателит, објави кинеската Национална вселенска агенција.

Семето на растенијата на Месечината го однесе кинеската мисија Chang’e-4, која е првата мисија на темната страна на Месечината.

Растенија порано растеа на Меѓународната вселенска станица, но никогаш на површината на Месечината.

Ова би значело дека астронаутите би можеле да користат храна од сопствено производство во вселената, со што ќе ја намалат потребата да се враќаат на Земјата со цел повторно да се снабдат со храна.

Seedlings in space! First-ever cotton plant on the Moon growing in #ChangE4 mini biosphere https://t.co/L8YpXqoVIG pic.twitter.com/3NVoCBUn5M

— China Xinhua News (@XHNews) January 15, 2019

Кинеските државни медиуми во вторникот објавија дека од памучното семе изникнаа првите стебленца.
Официјалниот весник на Комунистичката партија на Кина на Твитер ги објави и првите фотографии.