Секоја сезона сме сведоци на некое ново поместување на границите за маникирот, почнувајќи од материјалите кои се користат за декорирање и стилизирање на ноктите, преку бои, до модели кои привлекуваат се повеќе и повеќе внимание.
Пикасо маникир
Овој маникир како микро-тренд почна да се појавува минатата сезона, а оваа пролет има своја кулминација, па едвај чекаме да го пробаме. Пикасо маникирот е инспириран од култните дела на овој познат уметник и без оглед на тоа како се направени посебните мотиви на лицето, со тенка четка и малку апстрактни потези во црна или црвена боја, сепак можеме да ги класифицираме во доменот на модерен минимализам. Малку повеќе инспирација за маникирот во стилот на Пабло Пикасо, ви нудиме во продолжение.
