Paris Fashion Week: штикли кои светат во темница
Светлата од рефлекторите не беа единствениот извор на светлина на модната писта на Iris van Herpen, која ја претстави својата колекција на Париската модна недела.
Дизајнерката ја пронајде инспирацијата од астрологијата и далечните галаксии во универзумот. На ревијата го претстави футуристичкиот свет во кој креациите на бајките беа надополнети со метален накит за лице и чевли со високи потпетици кои блескаат во мракот.
Iris van Herpen is one of my favourite designers. And after yesterday’s show, I want a pair of these shoes: https://t.co/tSSEeXFMmN pic.twitter.com/XlSGZB4Ns3
— Elizabeth Paton (@LizziePaton) January 22, 2019
Заедно со високите потпетици кои блескаат во темница, фустаните од колекцијата се збогатени со принт инспириран од делото на уметникот Kim Keever, поранешен инженер на NASA, чија работа е комбинација на уметноста на сликање со фотографија.
Креациите имаа скулптурална форма која беше постигната со деталите направени со 3D принт, кој ни овозможи да замислиме како некаде далеку би се облекувале вонземски суштества.
Иако оваа сезона многу дизајнери инспирацијата ја побараа во минатото, освежувачката промена беше да се види како Iris van Herpen гледа нанапред во нови галаксии.