Миењето на рацете е еден од најефикасните методи за контрола на ширењето на инфекции, бидејќи дланките се многу погодна подлога за пренесување на болести. Дланките се речиси постојано во контакт со површини каде можат да бидат скриени опасните бактерии и вируси, а потоа да се пренесат на лицето.
За да се намали ризикот од пренесување на болеста, многу луѓе во земјите погодени од коронавирусот одлучија да се откажат од ракување, но се чини дека луѓето сè уште имаат потреба за поздрав преку физички контакт, па така се појавија алтернативни методи.
Така, неадамна на социјалните мрежи стана хит видеото во кое се демонстрира „вухански поздрав“ т.е поздрав со нозете. Оттогаш, се појавија снимки на кои луѓето се поздравуваат со лактити или нозе, а некои од алтернативните ракувања можете да ги погледнете во продолжение.