За да не купите „мачка во вреќа“, бидејќи често е тешко да се провери квалитетoт, ви нудиме неколку совети како да го изберете совршениот домат
Доматите се омилен зеленчук на летната трпеза. Салата од домати со кромид, познатата грчка салата, сок од домати, сос од домати се само дел од „варијациите на темата“ во кои овој зеленчук има „главна улога“.
Но, при купувањето е многу тешко да се добие добар, сочен и вкусен домат. За да не купите „мачка во вреќа“, бидејќи, како што сигурно сте виделе и самите, често е тешко да се провери квалитетот, ви нудиме неколку совети како да го изберете најдобриот.
- Изберете „на око“
Прво, проверете како изгледаат доматите однадвор. Најдобрите домати се целосно без флеки и модринки и треба да бидат со длабока, светло црвена боја. Лош домат е оној што изгледа бледо и без сјај. Избегнувајте каква било промена на бојата – дури и мала црна точка може да укаже на скриено гниење внатре.
- Изберете „на допир“
Иако изгледот е добар показател за квалитет, немојте да бидете измамени од убавата надворешност. Имено, доматите често се берат додека се уште зелени, што ги прави потрајни за транспорт, но помалку вкусни кога ќе пристигнат во продавница. Често созрева во транзит, но некои домати се прскаат со етилен за да се забрза зреењето.
Затоа тестирајте го доматот држејќи го во рака. Добриот домат е доволно цврст за да издржи притисок, но не толку цврст за да не реагира на вашиот допир. Внимавајте на меките точки – тие се на добар пат да станат модринки, што го намалува рокот на траење на доматите.
Доматите кои повеќе не се свежи ќе бидат неприродно меки и за неколку дена ќе станат неупотребливи.
Посочниот домат е погуст внатре, па е потежок кога ќе го земете во рака, додека незрелиот домат е премногу лесен.
- Проверете го мирисот
На крајот, тестирајте го доматот така што ќе го помирисате кај стеблото. Ако има силен, сладок, земјен мирис – знаете дека е добар. Колку доматот е помиризлив, толку ќе биде повкусен, затоа внимавајте со доматите кои не мирисаат на ништо.
Секогаш кога е можно, избегнувајте да купувате домати во пластична фолија или пакување. Единствениот начин да бидете сигурни дека добивате добар домат е да го проверите сами пред да го купите.