Најстрмната во Европа: Улицата на која станарите се служат со трикови за да не им се лизнат автомобилите

Улицата Вејл во Бристол е совршено место за натпревар во тркалање велигденски јајца поради нејзиниот наклон, но соседите секојдневно приредуваат шоу, или барем добар тренинг.

„Еден од најголемите зафати беше преселбата. Мораше комбето да се натера покрај патот“, вели жител на улицата, која многумина ја сметаат за една од најстрмните улици во Европа, додавајќи дека животот таму е вистински предизвик – и за мускулите и за автомобилите во текот на зимата кога напаѓа снег. Затоа е и на листата на најопасните улици во светот.

Во случај на снег, оние кои можат треба да останат дома или да се однесуваат како планинари. Држењето за оградите помага при качувањето. Некои се симнуваа на скии во зима, а и качувањето со автомобил го крева адреналинот.

„Откако го ставив во прва, притиснав на гас и се надевав дека никој нема да ме сретне на улица во тоа време, бидејќи штом ќе отидам, нема враќање назад“, вели Џули Вит, која живее таму 20 години и сè уште не се навикнала на стрмнината.

За да не се лизгаат, жителите дури и ги врзуваат своите автомобили за улични светилки.

Од 2019 година, Ffordd Pen Llech ја носи официјалната титула за најстрмната улица во светот. Северен Велс го доби Гинисовиот рекорд откако жителите на Харлех протестираа дека нивната улица има наклон од 37,5 отсто, што е доволно за да се „пресече“ улицата што ја носеше титулата на најстрмна во тоа време. Така, ја наследи улицата Болдвин во новозеландскиот град Данедин, чиј наклон е „само“ 35 проценти.