Од рибарско село до метропола на иднината: Добредојдовте во најбезбедната метропола на светот

Немојте да се изненадите ако на отворено почувствувате постуден воздух. Имено, на многу места во Доха има и клима на отворени простори со различни иновативни решенија…

Замислете импресивен хоризонт со згради толку иновативни што се граничат со уметнички дела и шеталиште на брегот што го спојува традиционалното со ултра модерното. Добредојдовте во Доха, еден од највозбудливите градови на Блискиот Исток кој ќе биде домаќин на бројни посетители од целиот свет за Светското првенство во фудбал во 2022 година.

Доха се издигна од пустината, поттикната од иновациите и енергичната страст. Резултатот е град кој многу брзо се трансформира од скромно место на нуркачи на бисери и рибарско село во една од најважните и најдинамични дестинации на Блискиот Исток.

Главниот град на Катар е дом на компании од повеќе милијарди долари, гламурозни трговски центри во кои можете да купувате со приватен возач во количка за голф наместо да пешачите и безброј атракции. Дом на луѓе од сите културни средини, Доха се издвојува по својата растечка културна разновидност. Подолу се дадени совети за тоа каде да јадете и што да правите во Доха, за да можете да ја истражувате како локален жител без да пропуштите ниту една од нејзините главни знаменитости.

Историјата на Доха

Со векови, Доха била рибарско село познато по својата трговија со бисери. Нуркачите на бисери во земјата биле познати по нивната вештина во пронаоѓањето на најголемите и најсовршено обликуваните бисери, а првобитното село (кое било познато како Ал Бида) исто така било прометно рибарско пристаниште со генерации.

Со богатството стекнато од трговијата со нафта во 20 век, Доха стана еден од клучните трговски центри за целиот регион. Денес е економски и метрополитен центар на државата Катар и епицентар на бизнисот и финансиите на Блискиот Исток.

Што значи Доха?

Зборот „Доха“ или „Ад-Давха“ на арапски буквално се преведува како величествено дрво. Меѓутоа, во одредени дијалекти од регионот, терминот е изведен од зборот „Dawh“, кој обично се користи за означување на тркалезни форми, вклучувајќи го и закривениот залив што го опкружува градот.

Кога да ја посетите Доха?

Катар има пустинска клима, така што речиси сите згради во земјата се климатизирани. Во јануари, февруари и март температурите се пријатни помеѓу 22-27°C, а ноември и декември се исто така со температури до 25 степени. Може да доживеете и дожд во Доха, особено од декември до април. Во текот на летните месеци, температурата може да дојде до 40°C, иако е познато дека живата се искачува до речиси 50°C во јули и август.

Ако претпочитате да ја посетите за време на пониски температури, тогаш зимските месеци се идеални за посета. Немојте да се изненадите ако почувствувате постуден воздух на отворено, имено, на многу места во Доха има и климатизација на отворени простори со различни иновативни решенија, додека жителите на Доха не ги исклучуваат ни автомобилите кога одат на пазарење. Горивото е ефтино, па само го оставаат да работи на паркинг со вклучена клима.