Огледалата внесуваат светлина во домот и го „отвораат“ просторот, па не е чудно што повеќето од нас сакаат да имаат што повеќе од нив во станот.
Честопати не ни размислуваме каде е идеалното место во нашиот дом да поставиме огледало, туку се водиме од фактот дека токму на тоа место ни одговара да се нашминкаме или да се погледнеме пред да излеземе.
Сепак, според фенг шуи концептот за уредување на просторот, тој има свое значење, цел и моќ, па затоа е од големо значење каде го сместуваме секој детал во домот, а особено огледалото.
Зошто не е добро да имате огледала во спалната соба?
Изгледа прилично практично да се има огледало во спалната соба, меѓутоа, според Фенг Шуи, тоа воопшто не е добро, особено ако огледалото е свртено кон креветот. Тоа се толкува како повикување и мешање на други луѓе во брачната заедница и носи можност за прељуба.
Експертите од оваа област предупредуваат и дека огледалата во спалната соба носат лоша енергија и можат да бидат виновници за лошиот и немирен сон.
Огледалата поттикнуваат активност, а спалната соба е место каде сакаме мир и собираме енергија за активностите кои не очекуваат во текот на денот.