Сите имаме маани и предности, но доколку не можете да ги откриете слабите точки кои ве тераат на солзи, хороскопот може да ви помогне.
Овен
Вашата слаба точка е вешто прикриена, па делува како да ја немате, но ве убива самата помисла да останете сами, изолирани или болни, без никој да ве утеши во тешките моменти од животот. Иако сте храбри и силни, вашата слаба точка е семејството и затоа ви е потребен партнер кој секогаш ќе биде достапен за вас.
Бик
Оние кои не ве познаваат мислат дека можете да направите сè што ќе посакате. Но, сепак не сакате да ризикувате, посебно не кога има големи шанси да останете без финансиска поддршка. Станбениот простор и личностите кои ги сакате ви се двата главни приоритети без кои би биле изгубени.
Близнаци
Ваша слаба точка е нервниот систем, па вашиот противник може лесно да ве доведе до состојба на очај, доколку почне да ви ги тренира нервите. Тогаш не ви помага вродената снаодливост, ниту интелигенцијата, затоа што ве обзема паника. Затоа, избегнувајте ситуации во кои вашата немоќ, нервоза и депресивност може да биде лесно видлива.
Рак
Вашата загриженост е последица на вашата вродена несигурност и стравовите кои ве обземаат. Затоа, барате стабилен и сигурен партнер и се будите со помислата што ако го загубам? Статусот во друштвото ви е втората работа која ве загрижува.
Лав
Суетата која нема граница понекогаш знае да ви предизвика големи проблеми, така што оние поитрите упорно ќе ве освојуваат, без да знаете дека ве манипулираат. Постојано се плашите од јавно потсмевање и губење на моќта која посакувате да ви е вечно загарантирана.
Девица
Вашата слаба точка е контролата врз сите должности и обврски кои постојат. Без правилата не успевате да функционирате. Добро знаете да се грижите за блиските, но не сакате кога некој друг ви ги поставува правилата и буквално ви „соли памет.“ Тогаш се чувствувате дека сте ја изгубиле моќта и тоа ве доведува до нервен шок.
Вага
Не сакате расправии, посебно не на јавни места, па затоа се воздржувате. Сакате да ги избегнувате непријатните теми затоа што се плашите од туѓото мислење. Се трудите сами да си ја разубавите реалноста за да го избегнете стресот кој ви го предзвикуваат мислењата на семејството, пријателите и непријателите.
Скорпија
Верувале или не, љубовниот живот ви е ваша најслаба точка, без оглед на тоа што ја носите титулата на најголем заводник. Ве загрижува и физичкиот изглед и еротската моќ која ја носите, затоа што времето поминува, а тие се намалуваат. Контролата не ја губите, но нема никогаш да се помирите ако вашиот партнер ве остави за друг. Најранливи сте кога сте вљубени.
Стрелец
Иако сте снаодливи и прилагодливи, постојано се грижите некој да не ви забие нож во грбот, посебно на работно поле. Ваша слаба точка е агресивноста и насилството, исто како и однесувањето на саканата личност. Сомнителноста и внимателноста се особини кои не сакате секој да ги види, но сепак во вас се крие мал, таен детектив.
Јарец
Желни сте за промени, но сепак вашата емотивност ви е најслаба точка. Соништата кои секогаш ги имате во изобилство исто така знаат да ве загрижат доколку не успеете да ги остварите. Имате моќ да претчувствувате многу нешта и тоа често пати ве загрижува, затоа што сте суеверни, посебно кога се работи за партнерот или семејството.
Водолија
Иако на прв поглед делувате препотентно, ваш главен страв е загубата на работното место, финансиската сигурност или член на семејството. Длабоко во душата се плашите од понижување, болести и сиромаштво, за кои никогаш не сакате да зборувате. Ваша слаба точка се и домашните миленичиња, чија загуба многу тешко ја пребродувате.
Риби
Амбициозни сте и способни, па затоа се плашите од други исти како вас, односно „поголеми риби“ кои би можеле да ве проголтаат во секој момент. Мразите кога сте немоќни, слаби и незаштитени, а вашите деца и изнемоштени родители се она што ве прави посебно чувствителни.