Постојат неколку стари трикови за продолжување на животниот век на свеќите кои можеме да ги применуваме и денес.
Миризливите свеќи внесуваат топлина и убав мирис во секој простор, но често сме разочарани кога тие изгоруваат побрзо отколку што би сакале. Постојат неколку совети кои нашите баби ги користеле за да ја зачуваат издржливоста на свеќите.
Еден од корисните совети е замрзнување на свеќите. Ако ги ставите во замрзнувач неколку часа, па дури и денови, фитилот ќе гори речиси двојно подолго, а обичните свеќи можат да траат и до три пати подолго.
Еве како да го направите тоа:
Подготовка: Погрижете се свеќите да бидат суви и без влага.
Пакување: Завиткајте ја секоја свеќа поединечно во пластична фолија или ставете ја во пластична кеса за да ја заштитите од кондензација.
Замрзнување: завитканите свеќи ставете ги во замрзнувач неколку часа или идеално преку ноќ.
Отстранување и подготовка: Кога ќе ги извадите, оставете ги на собна температура неколку минути за да избегнете кондензација.
Примена: Запалете ги свеќите како и обично. Замрзнувањето ја стврднува структурата на восокот, што може да го забави горењето и да го намали капењето.
Покрај замрзнувањето, еве уште неколку совети:
Скратете го фитилот: пресечете го на 5-7 мм пред да го запалите, бидејќи фитилот кој е предолг создава поголем пламен и побрзо гори.
Прво горење: Оставете ја свеќата да изгори доволно долго првиот пат, додека не се стопи целата површина, што овозможува порамномерно изгорење.
Избегнувајте провев: Не ставајте ја свеќата на место со силна циркулација на воздухот, за да спречите побрзо горење и можни опасности.
Изберете квалитетни свеќи: Свеќите од пчелин восок горат подолго и порамномерно во споредба со поевтините сорти на парафин.