Тим од научници од неколку земји откри џиновска планета која орбитира околу мала ѕвезда посветла од Сонцето, објави денеска научното списание Nature Astronomy.
Новооткриената планета го доби името TOI-6894b.
Ѕвездата TOI-6894, околу која орбитира, е откриена со помош на сателитот за транзитни егзопланети (ТЕСС) на НАСА.
Во откривањето на планетата учествуваа научници од универзитети во неколку земји, вклучувајќи ги Велика Британија, САД и Белгија.
„Откривањето на TOI-6894 b ја нагласува потребата за подобро разбирање на механизмите со кои се формираат џиновските планети“, велат научниците.
Масата на ѕвездата околу која орбитира планетата TOI-6894 b е само околу 20 отсто од масата на Сонцето, велат истражувачите од Универзитетскиот колеџ во Лондон.
Се вели дека новооткриената планета е гасовита, со дијаметар поголем од оној на Сатурн, но половина од масата.
Во студијата се наведува дека, врз основа на водечките научни теории, не се очекува толку мала ѕвезда да има поволни услови за формирање на планета со оваа големина и нејзина орбита на таа локација.
„TOI-6894 е ѕвездата со најмала маса досега околу која е откриена џиновска планета која орбитира“, забележаа научниците.
Тимот научници ќе продолжи да ја проучува атмосферата на планетата користејќи го вселенскиот телескоп Џејмс Веб на НАСА.