Панталони кои станаа моден хит!
Ако сакате да го освежите вашиот гардеробер и да изгледате елегантно без многу труд, обрнете внимание на сатенските панталони.
Модел кој порано најчесто го чувавме за формални пригоди, сега се носи сè почесто во текот на денот , дури и на работа. Нивната најголема предност е што на секоја комбинација ѝ даваат софистициран изглед.
Кој крој на сатенски панталони да изберете?
За секојдневно носење, најдобри се моделите со рамен крој или пантолоните со малку раширени ногавици. Моделите со висок струк изгледаат особено убаво и лесно се комбинираат со кошули, тенки џемпери и елегантни блузи.
За деловни пригоди, изберете сатен со дискретен сјај, бидејќи изгледа поелегантно и полесно се вклопува во класичен гардеробер.
Црните сатенски панталони се безбеден избор бидејќи одговараат на речиси сè во вашиот гардеробер. Ако сакате нешто поинакво, побарајте темно кафеави и бордо нијанси.
Крем, беж и маслинесто зелена се одлични за оние кои сакаат посветли и малку поинакви комбинации.
Како да ги комбинирате за работа и за вечерно излегување?
Сатенските панталони не бараат многу додатоци за да изгледаат ефективно. За деловен изглед, комбинирајте ги со бела кошула и класичен сако, а со мокасини или балетанки ќе добиете елегантен, но удобен изглед.
Кога сакате поформална комбинација, само додадете чевли со зашилен врв и повпечатлива чанта.
Во постудените денови, тие одлично се комбинираат со тенки џемпери, ролки и чизми.
Токму поради нивната разноврсност, сатенските панталони се парче што лесно може да се носи од утрински обврски и деловни состаноци, па сè до вечерно излегување.