Адидас продолжува да игра на картата на дивиот дезен. Иконскиот модел Samba доаѓа во нова верзија „Зелен леопард“ која не останува незабележана. Тоа е една од најсмелите интерпретации на овој класик досега.
Трендот со животински принт доминира на уличната модна сцена веќе некое време, а сега „адидас“ го поместува на повисоко ниво. Новата верзија на „Самба“ комбинира препознатлива силуета со впечатлив зелен леопард принт. Резултатот е патика што го балансира ретро наследството со модната ексцентричност.
Див дезен во преден план
Моделот „Samba OG Green Leopard“ има горен дел направен од материјал сличен на коса од пони, украсен со леопард принт во светло зелена нијанса. Контрастно на ова се црните три ленти на adidas и класичниот гумен ѓон кој останува верен на оригиналниот дизајн.
Оваа комбинација на текстури и бои јасно покажува дека adidas е насочен кон публика свесна за модата која бара впечатливи парчиња, а не само секојдневни обувки.
Продолжување на успешната формула
Леопардовите дезени веќе се покажаа како хит кај овој модел. По претходните изданија „Леопард“ и „Гепард“, новата зелена верзија дополнително ги поместува границите и воведува посвежа, пролетна палета на бои.
Самбата, според тоа, останува еден од клучните модели во понудата на adidas, кој успешно се прилагодува на трендовите без да го изгуби својот идентитет.
Кога доаѓа и колку чини? Според достапните информации, Самбата „Зелен Леопард“ треба официјално да се појави на 1 јули, со цена од околу 120 долари, односно околу 129 евра.
Моделот е веќе достапен кај одбрани европски трговци на мало, што укажува дека интересот би можел да биде голем дури и пред глобалното лансирање.