Најдобриот српски тенисер, Новак Ѓоковиќ го освои и четвртиот турнир во 2011. година. Ѓоковиќ со 2:1 (4:6, 6:3, 7:6 (7:4)) го совлада првиот носител на турнирот во Мајами, Рафаел Надал и така со 24. победа во низа ја продолжи фантастичната серија.
Долго ќе се памети до сега најдобриот меч годинава во кој Новак за нијанса беше подобоар од Надал.
Ова е 24. победа во низа за Ѓоковиќ, ако не се сметаат оние од Дејвис Купот и од Богота (против Надал) и четврта титула годинава.
Србинот докажа дека е крал на тврди подлоги, дека е во најдобра форма на планетата.
Тенискиот “караван” се сели на песочните терени во Европа каде Надал и понатаму доминира, па ќе биде интересно да се види дали Ѓоковиќ може да го задржи ваквото ниво на игра и на подлогата која помалку му одговара.
Извор: Нетпрес