Windows 8 Beta на крајот на февруари

Consumer Preview верзијата на оперативниот систем на Microsoft, Windows 8, ќе биде прикажана на MWC саемот, на 29 февруари.

Оваа верзија ќе биде достапна за сите кои сакаат да ја пробаат, а конечната варијанта на Windows 8 се очекува во втората половина на годината, најверојатно на есен, со што Microsoft ќе остане верен на циклусот на објавување на нова верзија на Windows на секои 3 години (Windows 7 беше претставен во октомври 2009 година).

Microsoft новата верзија на Windows ќе ја прикаже на саемот посветен на мобилни технологии, Mobile World Congress, што има некаква смислa доколку се земе предвид дека овој оперативен систем ќе биде наменет за персонални компјутери и таблет компјутери.

Одредени медиуми нагаѓаат дека би можеле да чуеме и новости за новата верзија на мобилната платформа, Windows Phone 8.

Потпретседателот на компанијата Microsoft, претходно го наречe Windows 8 „фундаметална преобразба во дизајнот на Windows, којa не ja направиле уште од Windows 95.”