Правилната постапка е многу важна за да се добие вистинската тежина
Без оглед колку мерењето на тежината изгледа како едноставна постапка, честопати се случува вагата да ве „лаже“.
Сепак, во повеќето случаи, ние сме виновни, а не уредот.
Се разбира, првиот и основниот предуслов е дека вашата домашна вага е добро калибрирана и дека точно ја покажува тежината, без отстапувања во зависност од површината на која е поставена.
Експертите ги издвојуваат 3-те најголеми грешки што ги правиме при мерење на тежината:
Мерење доцна во ноќта
Ако сте од оние луѓе кои се мерат неколку пати на ден, тогаш сигурно сте забележале дека бројот е малку поголем во вечерните часови. Зошто е тоа така?
Имено, причината за дополнителната тежина лежи во количината на храна и течност внесена во текот на денот. Ќе добиете најточен резултат ако се мерите наутро откако ќе го направите првото мокрење.
Мерење со облека
Многумина го игнорираат фактот дека облеката и чевлите можат да додадат малку тежина.
Имено, една студија објавена во „Меѓународниот весник на дебелината“ во 2012 година покажа дека женската гардероба тежи околу 0,8 кг, а машката околу 1,2 кг.
Затоа, препорачливо е да застанете на вагата боси и со што е можно помалку облека за да ја видите вистинската тежина.
Веднаш по вежбањето
Многу луѓе застануваат на вагата веднаш штом се вратат дома од салата, а потоа се позитивно изненадени од бројот, кој обично е помал отколку што всушност е.
Одземањето на килограмите во овој случај се должи на количината на вода што сте ја изгубиле при потење додека сте вежбале. Ова е јасен доказ за тоа како вагата лесно може да нè измами, додавајќи или одземајќи килограми.
На крајот, прашањето е како можеме да бидеме сигурни дека навистина сме изгубиле тежина или стекнале тежина?
„Ако вагата покажува пад на килограм или два, од ден на ден, веројатно сте многу возбудени. Сепак, дури и ако тежината е точна, не постои начин да изгубите два килограми маснотии за еден ден. Две килограми губиток на маснотии бараат дефицит од 7.000 калории за еден ден. Невозможно”.
„Затоа е подобро да се мерите еднаш неделно. На крајот на краиштата, дневното мерење на телесната тежина води до прекумерно размислување за броевите што ги гледаме на вагата, и тоа може да создаде контра-ефект и да го отежни губењето на тежината“, велат соговорниците на порталот “Harvard Health”.