“Што да правам кога имам спор метаболизам“ – добро позната реченица, со која често го оправдуваме вишокот килограми. Дали метаболизмот е генетски одреден и што навистина го забрзува, а што е обична измама?
Мит: Метаболизмот е генетски одреден и не може да се промени.
Вистина: Иако генетскиот фактор влијае, можете да го промените со правилна исхрана и редовно вежбање.
Мит: Зелениот чај го забрзува метаболизмот.
Вистина: Само добро урамнотежена количина масти, протеини и јаглени хидрати во исхраната можат да го подобрат метаболизмот.
Мит: Мали и чести оброци се доволни да го подобриме метаболизмот и да ослабеме.
Вистина: Бројот на оброци и количината на храна што ја јадеме не се доволен услов за добар метаболизам, важна е правилната распределба на намирници кои ги јадеме.
Мит: Мажите и жените имаат ист метаболизам.
Вистина: Женското тело складира повеќе масти отколку машкото, особено во долниот дел. Исто така, мажите имаат повеќе мускулно отколку масно ткиво, поради што нивниот метаболизам е побрз.
Мит: Метаболизмот не се менува со годините.
Вистина: Стареењето ја намалува мускулната маса и го зголемува количеството масти во телото, што го забавува метаболизмот.
Мит: Ако вечерате пред шест часот, ќе имате подобар метаболизам.
Вистина: Можете да јадете во секое време сè додека внимавате што јадете и редовно вежбате.
Мит: Строга диета ќе го забрза метаболизмот.
Вистина: Како одговор на гладувањето, вашето тело складира масти што никако не може да помогне за побрзо да ги изгубите килограмите. Наместо да гладувате, јадете хранливи работи во редовни интервали.