Тениско топче треба да се носи во рачниот багаж на долги летови, бидејќи може да помогне при вкочанетост, болка и да ја стимулира циркулацијата.
Според здравствените експерти, тениското топче може да послужи како едноставно помагало за опуштање на мускулите за време на долг лет. Нежното притискање и тркалање на бутовите, нозете или рамената може да помогне во намалувањето на напнатоста, објавува „Метро“.
Остеопатката и терапевт за спиење Трејси Ханиган советува да се користи топката со мал пешкир за раце.
Топката треба да се постави во средината на крпата и да се свитка, што спречува лизгање и овозможува полесна контрола на притисокот.
Бидејќи е мала и лесна, топката може да помогне и во масажа на тешко достапните делови од телото. Ханиган, исто така, препорачува повремено истегнување за време на летот, особено вратот и долниот дел од грбот.
Сличен трик споделуваат патниците на социјалните мрежи, кои велат дека ја користат топката и во долниот дел од грбот, во близина на опашната коска, особено за време на долги патувања.