Удвоен бројот на таблет-компјутери во САД

Деветнаесет проценти на возрасни граѓани од САД поседуваат таблет, а таблет или e-reader поседуваат 29% од нив, покажа истражувањето на Pew Research Center.

Toa што е интересно е дека бројот на сопствениците на таблетите скоро двојно се зголемил од декември 2011, кога овој уред имал околу 10 проценти возрасни корисници.

Празничниот период донесе пораст по стагнацијата на средината на 2011 година и есента, покажа истражувањето.

Најмногу корисници на таблет има помеѓу 30 и 49 години, а меѓу возрасните, најмалку се оние кои имаат над 65 години.

Што се однесува до половите, таблетите се подеднакво застапени кај мажите и жените, покажа најновото истражување. Кога се работи за e-reader, процентуално овие уреди повеќе се застапени кај жените.