
Животот пишува големи драми! Една таква се одигра во Канада минатата година. Централна фигура на приказната е девојчето по име Лекси Шимански (5), која го спаси животот на нејзината мајка Анџела и братот Питер по сообраќајната несреќа што ја доживеале.
Анџела, која го возела автомобилот, ја изгубила контролата над возилото и излетала од автопатот. Анџела ја изгубила свеста по несреќата, како и малата Лекси. Сепак, по некое време, девојчето се разбудило од плачот на нејзиниот брат, кој тогаш имал само 10 недели.
Лекси излегла од уништениот автомобил и отишла до самиот пат за да им даде сигнал на другите возачи дека им е потребна помош. Жената која го забележала малото девојче во близина на автопатот застанала и повикала помош. Медицинските тимови брзо стигнале до местото.
Мајката Анџела била префрлена во болница и после дваесет дена целосно закрепнала. Сепак, она што е навистина неверојатно во целата приказна е дека девојчето кое имало само 5 години било доволно свесно да отиде до автопатот и да побара помош за нејзината мајка и брат.